Laufey B Waage

21.11.2008 | 17:00

Afmælistöfrar.

Ömmudrengurinn átti merkisafmæli í gær. Fyllti fyrsta tuginn. Eitthvað hlýtur það að segja um mig, að ég skuli eiga 10 ára gamalt ömmubarn, - eða hvað?

Viljandi mætti amman hálftíma áður en fjölskyldan átti að mæta. Henni fannst nauðsynlegt að ná a.m.k. seinasta hálftímanum af bekkjarpartýinu.

Hún var nefnilega með dáldið merkilega afmælisgjöf í farteskinu: Ekkert sem maður pakkar inn og setur slaufu utan á. - Heldur sprelllifandi alvöru töframann.

Sá vakti heldur betur lukku. - Enda er maðurinn algjör snillingur í sínu fagi. Allur bekkurinn komst í aðstoðarmannshlutverkið, - og nokkrir líka úr fjölskyldunni, sem tíndust inn á meðan töfrabrögðin voru framin.

Skemmtunin stóð lengur en ég hélt, - eða í rúman klukkutíma. Bekkjarpartýið og fjölskylduboðið sköruðust þar af leiðandi, - og allir skemmtu sér konunglega. Eins gott að stofan er stór í Skaftahlíðinni.

Að lokum: Áfram Ísafjörður!! (þeir keppa við Grindvíkinga í Útsvari í kvöld. - Ekki svona sár Þórunn mín).

Góða helgi gott fólk.

Flokkur: Bloggar | Facebook

Athugasemdir

Laufey mín, við skulum bara spyrja að leikslokum Það er nefnileg þannig að betra liðið vinnur alltaf. Ég er svo þræl vön í þessum keppnisbransa að það bítur ekkert á mig. Það er einna helst ef að drengirnir mínir eru að keppa og tapa, þá er ég stundum ómöguleg, en það er bara fyrir þeirra hönd sko !"!!

Annars virðist það vera ættgengt ( Akbrautar-tengt ) þessi afmælisgleði. Mér finnst þetta frábær afmælisgjöf til drengsins. Ég hef svo gaman af öllu veisluhaldi held alltaf uppá öll afmæli. Meira að segja afmæli foreldra minna sem eru ekki lengur meðal okkar, því miður.+

Góða helgi sæta.

Þórunn frænka þín (IP-tala skráð) 21.11.2008 kl. 17:56

Þetta hefur aldeilis sett punktinn yfir afmælið Laufey mín. Auðvitað sló þetta í gegn hjá tíu ára kút. Til hamingju með hann. Fylgdist ekki með útsvari