Pylsupartý.

Ég vissi að ég hefði gifst mér yngri manni. En að hann gengi í barndóm á hverjum afmælisdegi, bara til að vekja athygli á því hvað hann er miklu yngri en ég, - það er dáldið illa gert gagnvart mér, - er það ekki?

Fyrir tveimur árum, - daginn sem hann varð fertugur, vildi hann fá skúffuköku með kremi. Ég kom honum skemmtilega á óvart, með því að fá tengdasoninn til að föndra gítar úr tveimur skúffukökum (hann er í smíðum á myndinni, það á eftir að setja strengi og fleira).

Í dag vill hann svo hafa pylsupartý. Og af því að ég er svo einstaklega jákvæð og elskuleg eiginkona, þá sagði ég auðvitað að hugmyndin væri stórkostleg.

Ég gleymdi reyndar að spyrja hann hvort hann vildi frekar hafa íspinna eða sleikjó í eftirmat. En það verður semsagt pylsupartý í rauða húsinu við hafið í dag, - á 42ja ára afmælisdegi húsbóndans.

Neðri myndin sýnir drenginn minn (vin hans og heimasætuna) í pylsupartýinu sem hann hélt í sumar þegar hann varð þrítugur.

Ja hérna, - drengir eru og verða drengir. 

 

Athugasemdir

[Ásthildur Cesil Þórðardóttir, 9.1.2009 kl. 11:02]

Og nú er lubbinn farinn af drengnum þínum hann er nýklipptur og fínn.  En gítarinn er rosalega flottur.  Pylsupartý hehehehe    Þakkað bara fyrir meðan hann biður ekki um nektardansmey í risaköku

[Jenný Anna Baldursdóttir, 11.1.2009 kl. 17:09]

Hahahaha, ég dey.