Brúðkaupsafmæli.

Við hjónin eigum brúðkaupsafmæli í dag. Jú kjánarnir ykkar, auðvitað er ég að tala um þriðja og síðasta brúðkaupið mitt. Afmæli þýðir að maður mælir hvursu lengi eitthvað hefur staðið, eða hvursu lengi einhver hefur lifað (þess vegna tala ég alltaf um fæðingardaginn hans pabba míns, eða afmælisdaginn sem hann átti).

Meðfylgjandi mynd af okkur hjónunum er hins vegar ekki tekin á brúðkaupsdaginn, heldur á fimmtugsafmælisdaginn minn (sem var í gær eða fyrradag). Á þeirri stórhátíð samdi sonur minn og söng unaðslegar níðvísur um aldraða móður sína. Læt eina af limrunum 7 fylgja með í tilefni dagsins:

Þið trúið því varla um fimmtuga frúna,

en hún fann sér einn mann og svo annan - og er bún´að 

vera gift og svo skilin

og svo gift og svo skilin

og svo gift, en ég held hún sé hætt þessu núna.

Góða helgi elskurnar.

Athugasemdir

[Hólmdís Hjartardóttir, 9.10.2009 kl. 10:53]

hahaha til hamignju Laufey

[Jenný Anna Baldursdóttir, 9.10.2009 kl. 10:55]

Til hamingju.  Góður kveðskapur.

[Ingibjörg (IP-tala skráð) 9.10.2009 kl. 20:56]

Hann Bjarki hefur góðan húmor og fínan orðaforða.

Til hamingju með daginn.

:-)

Imba

[Guðrún Markúsdóttir, 11.10.2009 kl. 10:15]

Til hamingju!

[Ásthildur Cesil Þórðardóttir, 14.10.2009 kl. 14:47]

Síðbúnar afmæliskveðjur Laufey mín, og drengirnir þínir flottir bæði sonurinn og eiginmaðurinn.

[Berglind (IP-tala skráð) 14.10.2009 kl. 22:20]

Ég verð einhvern tímann að fá alla þessa níðvísu á prenti. Þessi partur af henni er auðvitað bara sjúklega fyndinn!!! Enda bróðir minn schnillingur ;-)

[Sesselja María Sveinsdóttir, 18.10.2009 kl. 20:06]

Til hamingju